Gathering 2010

Asm.

Isnin (2 Syawal) Imran Kamali telefon pagi. Dia ajak tubik minum air di KBTC hok baru siap tu. Tapi kawe mntk maaf sbb tokleh gi. Kalu pagi susoh sikit nok tubik sbb budok2 ni baru bgn tido. byk benda nok kena urus.

Selasa (3 Syawal) Marwan call. Setuju nok ajok gu2 maahad tubik minum air esok malam. kawe pun start telepon & sms. Simcard kawe rosak baru ni jd hilang habis no2. Hok dae kutip cari baliknya tok byk. Takpolah hok mano ado dale telepon.

Rabu malam khamis (4 Syawal) alhamdulillah pakat tubik ramai2 minum air di Kubang Kerian. Asalnya cdg di restoran tepi sungai kat kepala jmbtn Pulau Melaka, pahtu tukar ke kopitiam Dklasik Kubang Kerian tp tutup. jd pakat jale kaki ke restoran DVillage sebelah dia. duk sembang situ sampai 1.30 pg.

Hok marinya nazmi, jenal, marwan, seme, talib, jeli, fadli, wan helmi, adnan arifin, din pkln datu, rajib & nordin md nor. hok kawe ajok (call & sms) tapi tokleh mari saudi, masri, zahid bunut susu, taufek, w. mohd zul, nasir kemboja, shukri, basit, suhainif, zaki guchil, zaki jack, tuan ahmad, rafidi, najmi & amir sabak.

Bilo kumpul ramai2 mcm cerito lah tubik. cerito nostalgia. last sekali sblm bersurai kawe sebutlah cdgn nok buat gathering tahun depan. msg2 setuju belaka. insya Allah bab sponsor dll bereh. pakat2 lah kito doa. ameeeen.

... tapi maaf deh, gambar takdok. kamera tertinggal dlm keta. mlas nok gi amik he he